Niri buruz gehiago jakin nahi baduzu, hona hemen nire historia:

Publizitatea eta batez ere, sormenaren alderdia ditut gustuko. Euskal Herriko Unibertsitatean Publizitatea eta Harreman Publikoak ikasten hasi nintzen, baina arrazoi pertsonalak direla eta 3.maila erdian ikasketak utzi nituen. Hala ere, argi neukan publizitatean lan egin nahi nuela eta 2023an, Harrobia ikastolan marketing eta publizitatea ikasten hasi nintzen.

Baina orduan, 2023ko irailaren 22an nire bitzitzako etapa gogor eta ilunena hasi zen. Egun horretan, ia bizia galdu nuen auto istripu batean, 3 hilabete igaro behar izan nituen ospitalean, 4 ebakuntza luze eta konplikatu egin behar izan zizkidaten, 6 hilabetez errehabilitazioan berriz oinez egiten ikasi behar izan nuen, eta ia 2 urte amets gaizto honetan murgilduta igaro arren, momentu ilunenenean argitasuna bilatzen ikastera bultzatu nuen nire burua.

Etapa zail hau bizi behar izanaren ondorioz, beste pertsona bat naizela esan daiteke: pazienteago, gogorrago, ausartago, edozeri aurre egiteko gai dena, bizitzeko gogo izugarriak dituena, ameslaria…

Bizipen gogor honen ostean, ikasketak bukatzerakoan publizitatean lanean hasteko gogotsu nago eta etorkizunean sormen zuzendari bilakatzeko anbizio izugarriarekin.